Landið þitt

Frá Látrabjargi var ferðinni heitið í náttstað og vorum við búnir að panta gistingu í Hænuvík en hvar er Hænuvík aldrei komið þangað eða heyrt á hana minnst.
Þegar við vorum að leggja af frá Látrabjargi voru tveir Þjóðverjar búnir að ræsa þjófavörnina á bílnum sínum og komust hvorki lönd né strönd en Jón var snöggur að redda þeim.
Við fórum út úr Bílnum og tókum myndir af Breiðuvík hvernig gátu svona hörmulegir atburðir átt sér stað á svona fallegum stað !
Hænuvík er steinsnar frá Látrabjargi samt er það afskekkt að hluta og ekið með hlíðinni að sunnanverðum Patreksfirði og er vegurinn nokkuð góður.
Þarna er falinn paradís, tvö gistihús, við fengum það sem er alveg niður við ströndina, og var ilmurinn og niðurinn frá sjónum þægilegur, Húsið var okkur sagt að væri gamalt vöruhús sem byggt var við útræðið sem stundað var þarna á árum áður, við komum okkur fyrir snæddum og gerðum okkur klára fyri myndatöku á sólarlaginu.

Ég mæli sérstaklega með þessum stað til heimsóknar og er kjörið að staldra við þarna í nokkra daga og njóta all þess sem þessi staður hefur upp á að bjóða

Daginn eftir er ferðinni heitið á Strandirnar

Hænuvík og Jón Sigurjónsson Ljósmyndari

Sólarlag í Hænuvík

Meira sólarlag í Hænuvík

” Við Breiðuvík “